Norgga ja Ruoŧa eisseválddiin lea leamašan oktasaš mihttun oažžut Norgga-Ruoŧa boazodoallokonvenšuvnna dohkkehuvvot dán jagi mielde, muhto orru čájeheame ahte dát bargu sáhttá ádjánit.
Norgga ja Ruoŧa eisseválddiin lea leamašan oktasaš mihttun oažžut Norgga-Ruoŧa boazodoallokonvenšuvnna dohkkehuvvot dán jagi mielde, muhto orru čájeheame ahte dát bargu sáhttá ádjánit.
Norgga-Ruoŧa boazoguohtunkonvenšuvdna heaittihuvvui 2005:s, ja dan rájes ii leat leamaš šiehtadus mii regulere guođohanguovlluid Norgga ja Ruoŧa gaskkas. Ođđa konvenšuvdna ráhkaduvvui 2009:s, muhto sámi bealit vuostálaste šiehtadusa, erenoamážit Ruoŧa beale sámit, ja šiehtadus ii doaibmagoahtán. 2014:s bođii oktasaš evttohus sámi bargojoavkkus movt rievdadit osiid dan 2009-šiehtadusas, čállá NRK Sápmi.
Guorahallanbarggut
Golggotmánu čoahkkinaste ministarat, sámedikkit ja ealáhusorganisašuvnnat gos mearriduvvui ahte goappaš riikkat galget addit sámedikkiide ja ealáhusorganisašuvnnaide oktasaš čálalaš vástádusa sámi bargojoavkku evttohussii.
Ođđajagemánu čoahkkinasttiiga Norgga eanandoallo- ja biebmoministtar Jon Georg Dale ja Ruoŧa eanandoalloministtar Sven-Erik Bucht. Čoahkkimis dieđihuvvui ahte Ruoŧa bealde galget álggahit guorahallanbargguid mas guorahallet vuđolaččat muhtin jearaldagaid. Guorahallanbarggut galget gárvánit geassemánu 1. beaivái.
Dan vuođul lea Norgga Eanandoallo- ja biebmodepartemeanta cealkán ahte ii leat dárbbašlaš sáddet oktasaš čálalaš cealkámuša nu go álggos mearriduvvon. Ruoŧa Ealáhusdepartemeanta lea ožžon dieđu Norgga Eanandoallo- ja biebmodepartemeantta cealkámuša birra. Nu čállá NRK Sápmi.