Ruoŧa eisseválddit leat álgán gozihit CWD dávdda maŋŋel go Norggas gávdnui dávda gottis ja ealggas Lulli-Trøndelagas.
Ruoŧa eisseválddit leat álgán gozihit CWD dávdda maŋŋel go Norggas gávdnui dávda gottis ja ealggas Lulli-Trøndelagas.
Ruoŧa Sámediggi, Ruoŧa Sámiid Riikasearvi (RSR), Ruoŧa biebmobearráigeahčču, Eanandoalloovttadat ja Stáda šibitdoavttirmedisiinnalašovttadat lea deaivvadišgoahtán ja ságastallat dán dávdda birra, dieđiha Ruoŧa Sameradion & SVT Sápmi.
– Lulli-Trøndelagas leat gávdnan ealggaid main lea dát dávda ja doppe leat guovllut gos barget bohccuiguin. Várra lea hui stuoris, nu movt mii oaidnit dan, dadjá RSR jođiheaddji Jörgen Jonsson ja váldá dán ášši duođalažžan.
Čoahkkimis háliidedje eisseválddit diehtit eanet movt boazodoallu doaibmá mii johtá ráji rastá. Dál leat ráhkadeame plána maid galget bargat jus dávda leavvá Ruoŧa beallái ráji.