-Almmuhus-
OĐĐASAT Ruoŧa stáhta dohkkeha Dálmma čearu duomu

Ruoŧa stáhta dohkkeha Dálmma čearu duomu

-

-

Ruoŧa stáhta dohkkeha ahte Lágamánneriekti dubmii stáhta máksit buhtadusa čerrui go leat guhkidan boazodoallokonvenšuvnna jagiid gaskal 2002-2005. 

Dálmma čearu ja Ruoŧa stáhta duopmu bođii ovdal juovllaid.

Duomus čužžo maid ahte Ruoŧa stáhta lea loavkidan čearu oamastanvuoigatvuođaid go leat guhkidan boazodoallokonvenšuvnna jagiid gaskal 2002-2005. 

Duomu sáhtii váidit gitta ođđajagemánu 17. beaivái, muhto Ruoŧa stáhta ii  leat váidán Lágamánnerievtti duomu. Stáhta dubmejuvvui maid máksit 1,2 miljovnna ruvnno čerrui ja dasa lassin vel diggegoluid measta miljovnna ruvnno ovddas. Dat dagaha ahte Ruoŧa Lágamánnerievtti duopmu čađahuvvo. Nu čállá Sámeradio & SVT Sápmi iežaset ruovttusiiddus.

- Advertisement -
-Almmuhus-