Olu mánáide ja nuoraide leat sosiála mediat dehálaš oassi gulahallamis skihpáriiguin ja oahppásiiguin. Dattetge leat olusat geat vásihit dan negatiivvalaš beali leat sosiála mediain.
Mediabearráigeahčču duođašta ahte 90 proseantta norgga nuorain leat sosiála mediain beaivválaččat, ja measta buohkain leat sierra mátketelefuvnnat. Mánáid ja nuoraid sosiála mediaid geavaheamis leat olu buorit bealit, nuorat besset gulahallat skihpáriiguin, ja sáhttet álkit ohcat dieđuid jus dárbbašit dan.
Seammás leat ollusat geat vásihit dan negatiivvalaš beali sosiála mediain. Dan dihte leage dehálaš nuoraide diehtit makkár vásáhusat sáhttet čuožžilit sosiála mediain, ja oahpahit sin mo galgá gieđahallat heajos dáhpáhusaid.
«NettOpp»
Regionála oahppoguovddáš mánáide ja nuoraide (RKBU Nord) dutkit leat ráhkadan NettOpp nammasaš áppa, mii galgá veahkkin nuoraide gieđahallat neahttagivssideami.
Mihttu áppain lea ahte mánát ja nuorat ohppet eambbo mii neahttagivssideapmi lea, mo sáhttá veahki ohcat, birgehallanstrategiijaid oahppat, mo nanne iešluohttámuša ja makkár oađđinkvalitehta galggašii.
Guokte modula
Áppas leat guokte modula. Vuosttaš modula lea diehtojuohkinmodula, gos mánát ja nuorat ohppet mii neahttagivssideapmi lea, mo sáhttet veahki jearrat ja makkár dovdduid lea dábálaš dovdat go vásiha givssideami neahtas. Diehtojuohkinmodulas lea maid quiza mas oahppá lágaid ja njuolggadusaid neahttageavaheamis.
Nubbi modula lea ges resursamodula, mas nuorat ohppet ja hárjehallet teknihkaid mo gieđahallat streassa go vásiha negatiivvalaš dáhpáhusaid sosiála mediain. Hárjehusat sáhttet mo mánát ja nuorat geavahit vuoiŋŋahaga ja mo vuoiŋŋastit.
NettOpp-áppa viežžá nuvttá App Stores dahje Google Plays
