10 jagi leat čađahan bivdigeahččalemiid elektrovnnalaččat, dál lea vejolaš čađahit eksámena áppa bokte.
– Ođđa áppain lea suohkaniidda ja gielddaide álkit čađahit bivdigeahččaleamieksámena. Áppa maid dahká ahte ođđa bivdit ožžot dan oahpu maid dárbbašit. Lea maid álkit čađahit eksámena, go áppas lea visot maid dárbbašat, čilge Birasdirektoráhtta direktevra Ellen Hambro, preassadieđáhusas.
Álkit lágidedjiide
Leat suohkanat ja gielddat mat čađahit geahččalemiid. Maŋemuš jagiid lea hástalussan leamaš ahte eai gávdno lanjat main leat dihtorat. Eanaš báikkiin eai leat kuršalanjat dahje dihtorlanjat šat, ja skuvllain leat ohppiin iežaset dihtorat.
Ođđa áppain beassá oasseváldi čađahit geahččaleami iežas telefovnnain dahje dihtorduolbbážin. Dát dahká ahte čađaheapmi lea njuovžilat ja eambbo effektiivva lágideaddjái.
Áppa namma lea «Jegerprøveeksamen» ja lea viežžanlahkai Google Play:s ja App Store:s
