Sámi Dáiddafestivála oktavuođas lágiduvvo bargobádji nuoraide, mas oahppá movt dáiddalaš barggus oalát vajálduhttá buot eará.
Guovtti workshopas besset oassálastit goabbatlágan disipliidnii Sámi Dáiddafestiválas mii lágiduvvo Álttás skábmamánu 22.-24. beaivvi.
Workshopa lea rabas gaskal 15- ja 18-jahkásaš nuoraide ja Huset Álttás lea báiki gos dat lágiduvvo.
Olahit flow kreativvalaččat
Dáiddalaš kreativitehta lea okta dain doaimmain mas sáhttá olahit indiviidalaš flow-dilálašvuođa, gos indiviida vajálduhttá iežas go fokusere juoidá mii lea somá. Workshopat álget skratchas ja oasseváldit eai dárbbaš ovdamáhtu vai sáhttet oassálastit.
10,5 diimmus, mat lea juhkkojuvvon golmma beaivái, de sávvá festivála čuovggahit dáiddalaš fámu ja olahit nuoraid geain lea sáhkkiivuohte suokkardit iežaset rájáid.
Westerås
Lene E. Westerås lea bargan Creative Writing workshopain 10 jagi Gaskanuorttas ja lea ieš almmuhan njeallje mánáidgirjji. Son lea girječálli, redaktevra ja govvadáiddár gii orru Romssas.
Kolostyák
Laila Kolostyák lea govvadáiddár ja son lea jođihan máŋga kurssa iešguđetge prošeavttain. Son lea bargan iešguđetge osiin máilmmis ja sus lea stuorra gealbu iežat suorggis. Olusat dovdet su muohta- ja jiekŋaprošeavttaid mat leat leamaš Áltá guovddážis, mii maiddái lea ožžon máŋga buolvv nuorra általaččaid searvat prošektii.
