Lávvardaga lágiduvvo miehtá Norgga rabas beaivi buollinstašuvnnain, gos mánát ja ollesolbmot besset gilvalit ja maiddái oaidniŧ buollinčáskadeami ja buollinčáskadanbiillaid.
Okta golbmasis Norggas diehtá maid galgá dahkat jus buollá.
Dušše golbma proseantta sis leat leamašan mielde buollinčáskadeami hárjehusas ja leat geahččalan báhtaransajiid mat sis leat ruovttus.
Buollinsuodjalanvahkku oktavuođas dáhttu buollindoaimmahat hárjehallat olbmuid daid bargorutiinnaid jus buollá.
Ođđa iskkadeamis, man TNS Gallup lea čađahan oktan dáiguin; If Skadeforsikring, Servvodatsihkarvuođa ja gearggusvuođa direktoráhtta ja Norgga buollinčáskadansearvi, fástidit 12 proseantta ahte bearaš lea šiehtadan čoahkkanansaji olggobealde jus buolligoahtá.
Buollinsuodjalanvahkku
Buollinrutiinnat ja buollinhárjehallamat leat váldofáddán riikka birrasis Buollinsuodjalanvahkus main If, DSB, Norgga buollinčáskadansearvi ja buollindoaimmahagat miehtá riikka lágidit.
Badjel 350 buollinstašuvnna bovdejit rabas beaivái gos leat doaimmat sihke mánáide ja ollesolbmuide.
Dasa lassin lea maid našunála buollinhárjehallan, gos sullii 600 000 olbmo oasálastet sihke fitnodagain, skuvllain, mánáidgárddiin, institušuvnnain, almmolaš kantuvrrain ja priváhta dáluin miehtá riikka.
Ulbmilin dainna lea ahte buollinhárjehallamat lassánit ja kvalitehta buorrána.
Buollinstašuvnna rabas beaivvis ožžot mánát ja ollesolbmot oahppat mo sihkkarastit ruovttubuollima vuostá. Dás leat gilvvut ja besset maid oaidnit čáskadeami demonstrašuvnnaid ja buollinčáskadanbiillaid.
