Bearralvágis lea leamaš fiertu ja geassebáhkka, ja lei Norgga nubbin bivvaleamos báiki mánnodaga. Deanus lei 0,5 ceahki lieggaseappot, 24,5 lieggaceahki.
Bearralvágis lea leamaš fiertu ja geassebáhkka, ja lei Norgga nubbin bivvaleamos báiki mánnodaga. Deanus lei 0,5 ceahki lieggaseappot, 24,5 lieggaceahki.
Yr.no dieđiha ahte Nuorta-Finnmárkkus lei buot lieggaseamos olles Norggas mánnodaga.
– Deanus lei báhkkaseamos, 24,5 lieggaceahki. Rittus lei maid báhkka, 24 lieggaceahki Bearralvágis ja Mehámmanis, čállet meteorologat Twitterii.
Ii vel olahus
Nuorta-Finnmárkkus lea máŋga beaivvi leamaš badjel 20 lieggaceahki dán mánu, muhto eai leat vel olahan suoidnemánu olahusa.
Lulli-Norggas lei Bygdøyas lieggaseamos, 22,7 lieggagráda.
Dieđihuvvo ahte oaivegávpogis leat 14 beaivvi dássážii dán mánus leamaš badjel 20 lieggaceahki.
Vestlánda oažžu fierttu
Loahpas vahkku rievdá, ja de lea Vestlánda gos besset beaivváža návddašit. Dássážii lea leamaš njuoska ja čoaska geassi, Bergenis ii leat registrerejuvvon eara okta geassebeaivi dán mánu.
– Eanemus beaivvádat šaddá gaskavahkku ja lieggaseamos ges duorastaga, dieđihit meteorologat.
(©NTB)
