-Almmuhus-
-Almmuhus-
OĐĐASAT Nuorat dárbbahit eambbo gelbbolašvuođa

Nuorat dárbbahit eambbo gelbbolašvuođa

-

-

91 proseantta vuollel 30-jahkásaččain meinejit eambbo oahpu gievrudit iežaset bargovejolašvuođaid boahtteáiggis, čájeha ođđa iskkadeapmi man Ipsos lea čađahan Kompetanse Norge ovddas.

Oktiibuot 78 proseantta dain geat leat vástidan meinejit oahpu, kurssaid ja joatkkaoahpahusa gievrudit sin bargomárkanis boahtteáiggis. Leat sii geat leat vuollel 30 -jahkásaččat geat oidnet eanemus dárbbu eambbo gelbbolašvuhtii. 69 proseantta badjel 50-jahkásaččain vástidit dan ahte eambbo gelbbolašvuohta sáhttá gievrudit olbmuid bargomárkanis. 

– Mii diehtit ovdalaččat ahte heahtedili maŋŋel čuohcá eanemusat nuoraide. Mii eat sáhte vuordit ahte mii diehtit buot ekonomalaš váikkuhusat koronadilis dál juo. Lea dehálaš bidjat doaibmabijuid mat addet olbmuide, geaidda dat čuohcá, vejolašvuođa gazzat eambbo oahpu. Dál mii áigut gealbbodoaimmas sihkkarastit eambbo strategalaš bargguid main oažžu eambbo gelbbolašvuođa, lohká Kompetanse Norge direktevra Sveinung Skule. 

Dárbbašit eambbo digitálalaš máhtu

Iskkadeamis boahtá ovdan ahte juohke njealját norgalaš dárbbaha lasi gelbbolašvuođa maŋŋel koronadili. Boahtá earenoamážit ovdan ahte lea dárbu digitálalaš máhttui. 

39 proseantta dain geat leat vástidan ahte sii vásihit dárbbu lasihit iežaset gelbbolašvuođa koronadili geažil, sávvet buoret digitálalaš máhtu. 

– Digitála ovdáneapmi lea rievdadan oainnu mo mii ipmirdit vuđolaš gelbbolašvuođa. Dat dovdui earenoamážit koronadili geažil, go fáhkka fertejedje olbmot nuppástuhttit digitalalaš árgabeaivái. Go measta 40 proseantta sis geat dárbbašit eambbo gelbbolašvuođa muitalit ahte dárbbašit eambbo digitála gelbbolašvuođa, de dat muitala ahte mii dárbbahit eambbo heivehanmuni ja oanehis fálaldagaid maid sáhttá kombineret bargguin ja guhkit áigái, muitala Skule.

- Advertisement -
-Almmuhus-