Norgga nuorat eai luohte skuvlii jus vásihit juoga unohasa interneahtas ja sii dadjet oahpahus neahttahoddema birra ii leat doarvái buorre.
Norgga nuorat gaskal 15 ja 18 jagi leat searvan jearahallaniskkadeapmái maid Buypass lea čađahan Safer Internet Day:as, čalla Dagsavisen. Jearahallaniskkadeamis boahtá ovdan nuorat ballet eanemus bearráigeahččamis ja govvajuohkimis interneahtas.
Olles 33 proseantta nuorat jearahallaniskkadeamis, oaivvildit sii leat dájuhuvvon interneahtas.
Dušše okta njealjis leat vástidan skuvla addá buori oahpahusa movt sii galget šaddat oadjebassan neahtas, ja dušše 1 proseanta vástidit sii livččii jearran veahki oahpaheaddjis jus leat vásihan juoga unohasa.
Nuorat muitalit sii luhttet eambbo politiijaide dahje váhnemiidda jus juoga geavvá. Buypass kommunikašuvdnadirektevra Hanne Syversen muitala jearahallaniskkadeapmi čájeha ahte skuvla ii atte dárbbašlaš dahje čuožžovaš oahpahusa movt geavahit neahta sihkkarepmosit.
Stáhtačálli Jan Christian Kolstø (G) muitala áviisii ahte skuvllas lea ovddasvástádus oahpahit nuoraide neahttahoddema birra ja movt lea kritihkalaš gálduide.
– Máhttolokten 2020 addá digitála máhtuide stuorit saji ođđa oahppoplánain. Dát guoskka earret eará buoret digitála árvvoštallannákca ja diehto- ja dihtorsihkkarvuohta. Fágain šaddá maid eambbo deaddu movt jurddašit eambbo kritihkalaččat ja movt leat kritihkalaš gálduide, dadjá Kolstø.
(©NTB)
