Ráđđehus joatká nuoraidguolástusortnega dán geasi maid ja gaskal 12- ja 25-jahkásaš nuorain lea vejolašvuohta bivdit guliid ja sáhttet tinet gitta 50 000 kruvnna. Bivdináigodat lea geasset, muhto sáhttet otná rájes bivdigoahtit áhkacinccu.
Ealáhus- ja guolástusdepartemeanta dieđiha sii jotket diimmá nuoraidguolástusortnega dán geasi maid.
– Nuorat sáhttet bivdigoahtit áhkacinccu miessemánu vuosttaš beaivvi rájes, muitala guolástus- ja mearraborramušministtar Odd Emil Ingebrigtsen preassadieđáhusas.
Nuoraid guolástusortnega mielde sáhttet gaskal 12- ja 25-jahkásaččat tinet gitta 50 000 kruvnna guollebivdima bokte áigodagas 15.06-07.08.2021. Dat guoská buot guollešlájaide mat leat riddoguovllus. Ortnegis lea seamma bivdoreaidduid ráddjen go astoáiggeguolásteamis. Áhkacincobivdu álggahuvvo dán jagi miessemánu vuosttaš beaivvi. Nuorat, geat háliidit bivdit mearas dán geasi, sáhttet dieđihit iežaset guolástusdirektoráhtii.
Nuoraid guolástusortnega ulbmil lea addit nuoraide vejolašvuođa geahččalit háliidit go bargagoahtit guolásteaddjin ollesolmmožin.
[ays_poll id=8]
