Oassin eurohpálaš kulturoaivegávpot Bådåddjo2024 áŋgiruššamin, de álggaha Åarjelhsaemien Teatere ovttasbarggu Turnéteatretan Trøndelágas ja Sámi Našunálateáhter Beaivvážin Guovdageainnus mytologalaš Science fictionas, mii lea nubbi oassi Bïegke Beateme trilogiijas.
Buvttadeapmi dahkko ođđa teáhtervisttis Verdalas, ja hárjehallan álgá skábmamánus. Vuosttaščájálmas lea plánejuvvon ođđajagimánu 13. beaivvi 2023.
Golbma árktalaš muitalusa čadnojit oktii profetiijai, mii nektojuvvo maŋŋel go árktalaš guovllut leat suddan. Guokte árktalaš nissona guđđojuvvoba jápmit (Athabask nation, Alaska), oktonas hápmi ceavzá (Kalaallit Nunaat-Grønland) ja ráhkisvuohta vuoitá jápmima vuostá sámi guovžamyhtas Sámis. Ovddeš dulkojupmi mánusis lea dahkkon Beaivváš teáhteris 2010:s (Haukur Gunnarson).
Mánusa lea Cecilia Person čállán, ja Sara Marja Magga lea jorgalan lullisámegillii. Musihka buvttada Frode Fjellheim, ja Peter Oskarsson dahká regiija. Peter Holm lea scenografiija ja biktasiid ráhkadeamen.
Dasa lassin leat dovddus neavttárat mielde nugo Lene Cecilia Sparrok, Mary Sarre, Trond Petter Stamsø Munch, Ole Henrik Lifjell, Tore B Granås ja Camilla Therese Karlsen.
