Norsk Tipping kundarat, geat leat vuollel 20-jahkásaččat, eai sáhte manahit eanet go 2000 kruvnna mánnui geassemánu vuosttaš beaivvi rájes.
Dalle leat buot Norsk Tipping (NT) kundarat bákkolaččat suddjejuvvon, eanemus ruhtamassinrájáin mii lea 20 000 kruvnna mánnui. Dat rádjá gusto buot spealuide. Eanemus rádjá lea vuollelis daid spealuin main lea stuorámus riska manahit ruđaid.
Nuorat speallit leat hearkkibut
Buot NT spealuin lea 18 jagi jahkerádjá. Dássážii leamaš buot kundariin seamma njuolggadusat, muhto dál ráddjejit rájá nuoramus spelliide.
– Lea bures duođastuvvon ahte nuoramus spelliide lea álkit darvánit speallanváttisvuođaide. Bergen universitehta statistihka ja Speallansorjavaš veahkkelinjá čájeha ahte nuorat spelliin leat eanet speallanváttisvuođat go eará ahkásaččain. Dan lohká NT geatnegasvuođa ja gulahallan direktevra Tonje Sagstuen.
Son lohká nuorat olbmot álkibut čuovvolit hástalusaid go boarrásat olbmot. Danin lea sis stuorát stuorát riska válljet boastut, lohká son.
30 000 nuorra kundara
20 jagi ahkerádjá lea válljejuvvon go dat ahkásaččat leat sullii buohkat seamma eallindilis; nu skuvllas, oahpahallin, studiat ja viollegis fásta tienas. Danin sáhttá navdit ahte dát doaibma heive dáid ahkásaččaide. Sagstuen diehtá dán mearrádusa sáhttet olbmot moaitit ja lohkat kundariid earuhit.
– Muhto NT váldoulbmil lea eastadit speallanváttisvuođaid. Maiddái alkoholaláhka earuha ahkejoavkkuid boarrásat dahje nuorat go 20 jagi, lohká son. Dál leat NT:s birrasii 30 000 nuorra spealli vuollel 20 jagi. Birrasii 2 000 daid spelliin lea manahan eanet go 2 000 kruvnna mánnui oktiii dahje moanat feardde maŋimuš jagi. Geassemánu vuosttaš beaivvi rájes muddejuvvo automáhtalaččat dát kunddárjoavku 2000 kruvdnui.
Dieđut NT speallanrájáid birra
NT lea vuosttaš speallanfitnodat mii ásahii 2016 bákkolaš ollislaš ruhtamanahanrájá beroškeahttá spealus.
Speallit fertejit ieža mearridit iežaset ruhtamanahanrájá mii ii sáhte eanet go 20 000 kruvnna mánnui.
Spealuide mas lea stuorát riskka, lea vuollelit ruhtamanahanrádjá:
* Neahttakasino, neahttabingo, e-Flax ja Yezz: 5 000 kruvnna/mánnui
* Fysalaš speallanautomáhta Belago (bingosáliin): 4 400 kruvnna/mánnui
* Fysalaš speallanautomahta Multix (kioskkain main lea kommišuneara): 2 700 kruvnna/mánnui
