Gávccis logi norgalaččas leat hui duhtavaččat iežaset bargoárgabeivviin. Dat mearkkaša ahte Norggas leat buot duhtavaččamusat bargoárgabeivviin olles Eurohpás, lassin Danmárkku ja Sveitsa bargiin.
Gávccis logi norgalaččas leat hui duhtavaččat iežaset bargoárgabeivviin. Dat mearkkaša ahte Norggas leat buot duhtavaččamusat bargoárgabeivviin olles Eurohpás, lassin Danmárkku ja Sveitsa bargiin.
Ođđa iskkadeapmi, man Randstad lea čađahan, čájeha ahte 79 proseanta Norgga bargiin leat hui duhtavaččat iežaset bargoárgabeivviin.
Lea guhtta proseantta mii lea vástidan ahte eai leat veahá ge duhtavaččat, dan dieđiha Randstad preassadieđáhusas.
Liikká duhtavaččabut go diibmá
Norgalaččat leat liikká duhtavaččabut dán jagi go diibmá ledje go seamma iskkus čađahuvvui.
Eurohpás leat Norga, Danmárku ja Sveitsa bajimusas. Go geahččá máilmmidásis de leat bargit Mexicos, Indias ja Amerihkás vel duhtavaččabut.
– Sáhttá oalle hirpmahuhtti go Norga ain lea nu badjin, go maŋemuš jagi lea Norgga bargomárkan rievddadan. Mis lea ain unnán bargguhisvuohta, dáppe lea sihkarvuohta stuoris, buorre bálká ja sáhttá ieš heivehit iežas bargoárgabeaivvi, lohká Randstad beaivválaš jođiheaddji Camilla Grana.
Skandinávalaš jurddašeapmi
Eurohpás lea Danmárku buot bajimusas, 80 proseanttain.
Sveits ja Norga leat nubbin, 79 proseanttain, Ruoŧas ges lohket dušše 69 proseantta ahte leat hui duhtavaččat.
– Norga lea máŋga jagi leamaš bajimusas dákkár mihtidemiin. Lea skandinávalaš jurddašeapmi gos jođiheaddji fokus lea eanas loaktimii, eahpeformálalaš jođiheapmái mii dagaha ahte bargit loktet ja barget bures, lohká Grana.
