-Almmuhus-
-Almmuhus-
OĐĐASAT Norgalaččain lea luohttámuš dutkiide

Norgalaččain lea luohttámuš dutkiide

-

-

Badjel bealli Norgga álbmogis lea luohttámuš dutkiide ahte sii gávdnet vaksiinna koronadávdii dán jagi mielde.

Dutkan, man Kantar lea dahkan Dutkanráđi ovddas, čájeha ahte 56 proseantta Norgga álbmogis lea stuora dahje hui stuora luohttámuš dutkiide ahte sii nagodit ráhkadit ođđa vaksiinna koronadávdda vuostá 2020:s.

– Lea viiddis ja áddjás bargu ráhkadit ođđa vaksiinna. Jus visot manná hui jođánit, de sáhttá leahkit ahte vaksiidna lea gárvvis loahpageahčen 2020 dahje álggus 2021. Lea aŋkke hui movttiidahtti ahte nu stuora oasis álbmogis lea luohttámuš dutkiide, lohká Dutkanráđi hálddahusdirektevra John-Arne Røttingen.

Dutkanlogut čájehit maiddái ahte dievdoolbmuin lea eanet luohttámuš dutkiide go nissonolbmuin. 

Duohtavuohta

Logi proseantta álbmogis lohket dattetge ahte sis lea oalle unnán dahje hui unnán luohttámuš dasa ahte dutkit muitalit buot maid sii dihtet koronadávdda birra. 

– Dutkiin leat alddiineaset ollu gažaldagat koronadávdda birra. Lea ollu maid mii eat vel dieđe. Danne ii leat imaš go nu ollu norgalaččat dulkojit dan dego ahte dutkit eai muital duohtavuođa. Muhto duohtavuohta lea ahte mii eat dieđe ja lea ain ollu eahpesihkarvuohta dan birra, lohká Røttingen preassadieđáhusas. 

- Advertisement -
-Almmuhus-