Safran AS ja Northrop Grumman Corp leat guokte vearjobuvttadeaddji maidda leat investeren, muitalit Fremtiden i våre hender.
Safran AS ja Northrop Grumman Corp leat guokte vearjobuvttadeaddji maidda leat investeren, muitalit Fremtiden i våre hender.
Seamma beaivvi go Nobel ráfibálkkašupmi juhkkojuvvo, de almmuha Fremtiden i Våre hender listtu mas čájehit fitnodagaid maidda oaivvildit Nobelvuođđudusa investeren.
Listtus leat vearjobuvttadeaddjit Safran AS, Northtrop Grunman Corp ja SAAB AB, duhpátbuvttadeaddji British American Tobacco, ja RWE, mii lea koallafitnodat mii hui olu nuoskkida.
– Lea paradoksa ahte juhket ráfibálkkašumi dálkkádatáŋgiruššiide ja olmmošvuoigatvuođa aktivisttaide, go ruhtadit dan maid bálkkašumi vuoitit leat vuostálastimin, muitala Fremtiden i våre hender jođiheaddji Anja Bakken Riisa NRK:i.
Oljofoanda lea ovdal geassán investeremiid dáin fitnodagain etihkalaš ákkaid dihte.
Nobelvuođđudus ii vástit njuolgat gažaldagaid investeremiid birra, muhto muitalit NRK:i ahte sis leat alla gáibádusat etihkalaš čuolmmaide.
– Mis lea ambišuvdna investeret nanaguovddáš fitnodagaide. Danin geavahit mii iežamet posišuvnna investeret prošeavttaide mat veahkehit dagahit positiiva ovdáneami, muitala Nobelvuođđudusa direktevrra Lars Heikensten.(@NTB)
