NOAH – mii bargá elliid rivttiid ovddas, váidá dan olbmo gii lea báhčán Johnny Mathis Sara čearpmaha Ruobbá sullos Romssas.
NOAH – mii bargá elliid rivttiid ovddas, váidá dan olbmo gii lea báhčán Johnny Mathis Sara čearpmaha Ruobbá sullos Romssas.
Mannan vahkku čálii Ávvir Johnny Mathis Sara birra gii fuomášii čearpmaha mii álggii meahttilit ja bázadit, iežas orohagas Ruobbá sullos, Romssa fylkkas. Son jurddašii geažotbeallji čearpmat, mii ii lean bohkoduvvon, leat skibasin.
– Čearpmahis lei luođđa mannan čoarbbeali čađa ja čoavjái. Jurdilin ahte gii ná báhčala bohccuid ii leat áigume suoládit, muhto njuolgut vahágahttit olbmuid, muitalii Johnny Mathis Sara Ávvirii.
Govven: Bente Isefjær.
NOAH váidá ášši
NOAH – mii bargá elliid rivttiid ovddas, leat dál váidán su dahje sin geat leat báhčán čearpmaha.
– Čearpmahis fertejit leamaš ollu bákčasat go lea čoavjái báhččon, ja NOAH váidá dan dagu go lea rihkkon elliidsuodjalanlága, dadjá šibitdoavttir ja NOAH jođiheaddji Siri Martinsen.
Áigot sihkkarastit
– NOAH vállje váidit politiijaide dán ášši vai sihkkarastá ahte ášši dutkojuvvo, elliidsuodjalanlága vuođul. Mii maid háliidit deattuhit ahte politiijat sáhttet ja berrejit dutkat dákkár áššiid go ožžot cavgilemiid kriminalitehta birra, nu go dán áššis leat ožžon, dadjá Martinsen preassadieđáhusas.
