Guovdageainnu mohtorsearvi lea cealkán eret Norgga meašttirgilvvuid (NM) skohtercrossas.
Ikte beakkehii ahte Guovdageainnu mohtorsearvi ii boađe lágidit skohtercrossa Norggameašttirgilvvuid (NM) 2022 nu go lei plánas. Guovdageainnu mohtorsearvvi jođiheaddji Johan Mathis Gaup lea čilgen iFinnmark aviisii ahte sivvan mearrádussii lei dat go Kautokeino IL biehttalii maŋŋebárgga eahkeda luoikat boares goanstarássešilju gilvvuide mat ledje galgat čađahuvvot cuoŋománu 1.-3. beaivve.
Sirdet Kárášjohkii ja Levdnji
Dál leat Leavnnja ja Kárášjoga mohtorsearvvit váldán badjelassii NM skohtercrossa lágideame. Cuoŋománu 2.beaivvi leat ovttaskas vuodjimat Leavnnjas, ja 3.beaivvi ges stádionvuodjimat Kárášjoga márkanis.
