Maŋŋel go lea njiedjan pandemiija áigge, de leat logahasdávddat, mat njommot borramušas, čázis ja elliin fas lassáneamen.
Lea várra unnit mátkkošteami dihte koronapandemiija áigge ahte dieđihangeatnegahtti logahasdávddai lohku njiejai 2020:s ja 2021:s. Diibmá oinnii Álbmotdearvvašvuođainstituhtta lassáneami eanaš logahasdávddain.
Dat boahtá ovdan instituhta jahkásaš raporttas.
– Muhtun dávddat leat fas seamma dásis go ovdal pandemiija, dan botta go earát leat ain vuollelis go ovdal, muhto treanda lea lassáneamen, čállá Álbmotdearvvašvuođainstituhtta čoahkkáigeasus.
