UiT Norgga árktalaš universitehtas ja Sámi allaskuvllas lea garra dáhttu oažžut eambbo sámegielat buohccidivššáriid. Dál galgá formálalaš šiehtadus nannet sámi buohccidivššároahpahusa Guovdageainnus.
2021:s álge 12 studeantta oahpahussii go vuohččan dieđihuvvui buohccidivššu bachelor Sámi allaskuvllas. Diibmá lei fas vejolašvuohta ohcat oahpahussii, muhto dalle ledje beare unnán ohccit iige oahpahus de álggahuvvon. Institušuvnnat leat dál bargan ja leat vuolláičállán formála šiehtadusa mii galgá leat mielde ovdánahttit oahpahusfálaldaga, dieđiha UiT Norgga árktalaš universitehta preassadieđáhusa bokte.