Ráđđehus evttoha boahtte jagi stáhtabušeahtas 40 miljovnna ruvnno lassidoarjjan nannet skuvllaid ja mánáidgárddiid digitála gelbbolašvuođa ja infrastruktuvrra. Boahtte jagi juolludeapmi lea de 85 miljovnna ruvnno.
– Digitaliseren lea ovdánan jođánit maŋimus jagiid, ja measta buot ohppiin leat dál iežaset digitála rusttegat, nu go neahttabreahtat ja dihtorat. Mii fertet gávdnat buori balánssa skuvllas šearpma ja báhpára, boallobeavddi ja bliántta gaskkas. Dan oktavuođas dárbbašit mii persovdnasuodjalanortnegiid ja universála hámi oahpponeavvuide, ja dán leat mii ásaheamen. Viidáseappot áigut mii álkidahttit oahpaheddjiide gávdnat buriid digitála oahpponeavvuid dainna lágiin ahte čohkket daid oktasaš našunála bálvaluskatalogii. Ovddasguvlui áigut maiddái oaidnit movt mii galgat dustet goanstajierpmi ovdáneami, teknologiija mii ovdána jođánit, dadjá máhttoministtar Tonje Brenna (Bargiidbellodat) preassadieđáhusas.
