Romssa ja Finnmárkku fylkkadiggi lea mearridan oktiiheivehit filbmafitnodagaid Nordnorsk Filmsenter AS, Filmfond Nord AS ja Nordnorsk filmkommisjon AS.
Lea filbmasuorgi ieš mii lea váldán initiatiiva fitnodagaid oktiiheiveheapmái, maid Romssa ja Finnmárkku fylkkagielda ja Nordlándda fylkkagielda eaiggáduššet.
– Lea stuorra árvvu satnin go leat filbmafitnodagat ieža, namalassii foanda, guovddáš ja kommišuvdna, mat leat vuolggahan čielggadeami, ja dasa lassin buktán ovttajienalaš rávvaga eaiggádiidda, dadjá ealáhusa, plána, kultuvrra ja birrasa fylkkaráđđi Marlene Bråthen (Gb).
Son lohká dakkár oktiiheiveheami nannet Davvi-Norgga posišuvnna nationála filbmapolitihkas, ja nannet guovllu filbmaáŋgiruššama.
