Ruoŧa kulturdepartemeanta lea virgádan Anders Lidén Ruoŧa duohtavuođa- ja soabahankommišuvnna jođiheaddjin.
Ovddeš jođiheaddji Kerstin Calissendorff geassádii barggus geassemánus. Anders Lidén lea ovdal bargan Ruoŧa olgoriikkadepartemeanttas ja lea ovddeš ON-kommissionera.
Ruoŧa kulturministtar Parisa Liljestrand dadjá preassadieđáhusa bakte ná:
– Lean ilus go Lidén álgá jođiheaddjin. Ráđđehus joatká nu barggu iskagoahtit politihka mii lea Ruoŧas leamas sámiid vuostá. Ja maid iskat rasismma ja veahkaválddálašvuođa maid sámit leat vásihan.
Ruoŧa beale Sámedikki ságadoalli Håkan Jonsson váldá bures vuostá Lidéna.
– Mii sávvat Anders Lidénii bures boahtima jođihit Ruoŧa duohtavuođakommišuvnna, dadjá son.
