2021:s juo lohpidii ráđđehus geahpedit eanaš olbmuid boaldámušdivadiid. Dál gáibida NAF ahte ráđđehus čuovvola iežas lohpádusaid.
– Gierdevašvuohta lea nohkan.
Dan cealká NAF preassahoavda Ingunn Handagard preassadieđáhusas. Go haddi lea ollu báikkiin leamaš gitta 25 ruvnno lihttera ovddas maŋemus áiggiid, de gáibida son ahte Guovddášbellodaga jođiheaddji Trygve Slagsvold Vedum čuovvula iežas boaldámuš-lohpádusaid.
– Mii NAF:s vuordit ahte ráđđehus dahká dan maid lea lohpidan riikka lagabui 2,5 miljovnna bensiidna- ja dieselfievruvuddjiide. Áidna divatgeahpádus maid mii leat oaidnán, lea rusttetdieselis, dadjá son preassadieđáhusas.
