Olles vahkku ávvudit máŋggabealatvuođa Romssas go čohkkejit olbmuid geain leat iešguđet ivnnit, sohkabealit ja fiillat ávvudit iešvuođa ja ahte buohkain lea seamma árvu – ja buohkain lea riekti leahkit nu movt ieš dáhttu, čállá pride lágideaddji doaluid oktavuođas.
Olles vahkku ávvudit máŋggabealatvuođa Romssas go čohkkejit olbmuid geain leat iešguđet ivnnit, sohkabealit ja fiillat ávvudit iešvuođa ja ahte buohkain lea seamma árvu – ja buohkain lea riekti leahkit nu movt ieš dáhttu, čállá pride lágideaddji doaluid oktavuođas.
Skábmamánu 6. beaivvis 12. beaivvi rádjái ávvudit iešvuođa ja ilu go čohkkejit liekkusvuođa Romsii – namalassii Tromsø Arctic Pride.
Muitala vásáhusa birra
Diibmu 13 mánnodaga lei almmolaš rahpan go prideleavgga gesse leavgastággui Romssa ráđđeviesu luhtte. Mánnodaga eahkedis čájehuvvo filbma «God’s Own Country» ja quiz maid lágiduvvo ovdal go deaivvadit Bastard báras bonjumánnodaga, mii lea juohke mánnodaga birra jagi.
Distaga boahtiba «Jævla homo!» filbmabuvttadeaddji Gisle Agledahl ja 19-jahkásaš Sállira bárdni, Håkon Sandmo Karlsen, muitalit filmma birra ja movt lei boahtit olggos dan dovddus skábes.
Doaluin, mat bistet olles vahkku, lea filbmafestivála, dáiddačájáhus, konsearta, feasttat, logaldallamat, gilvvut, digaštallamat, filbmafeasta, Pridefeasta ja vel ráidovázzin. Lea FORENINGEN FRI TROMS gii vástida doaluid dán vahkku.
