Meteorologalaš instituhtta ja NVE leat sádden rukses várrehusa go vurdet ekstrema arvvi vuossárgga ja maŋŋebárgga.
NRK čállá ahte muhtun sajiin boahtá dát leat garraseamos arvi mii lea leamaš 25 jahkái.
Várrehus guoská Østlándii davábeale Oslo, ja nuortaleamos osiide boares Sogn ja Fjordanes, Møre ja Romsdalas ja lullelis Trøndelágas.
Rukses dási várrehus mearkkaša ahte šaddá hui garra dálki. Dát várrehusdássi lea hui hárve ja sáhttá dagahit stuorra vahágiid. Rukses várrehusat geavahuvvojit dušše dalle go vurdojuvvo ahte dálkkis sáhttet leat erenoamáš váikkuhusat.
– Vurdo arvit 80-100 millimehtera 24 diimmus, nu ahte lea ekstrema Østlándda siseatnamis, dadjá meteorologa Håkon Mjelstad.
