Diibmá masse 88 olbmo heakka heavvananlihkohisvuođain Norggas,mii lea 17 proseantta lassáneapmi ovddit jagis. – Lea suorggatlaš go lohku lassána, vaikko leat eambbo heavvananeastadandoaibmabijut, earret eará gádjunboija, dadjá Hans-Jørgen Molvig Tryg Forsikringas.
Lihkohisvuođalogut diimmá ovddas bohtet Redningsselskapet heavvananstatistihkas, mii maid čájeha 33 proseantta lassáneami sis geat leat duššan eará riikkas.
– 70 jagis leat bidjan olggos 55 000 gádjunboija miehtá riikka, ja mii háliidat bidjat vel eambbo dakkár guovlluide gos olbmot vuojadit ja johtet. Muhto leat menddo olu heavvananlihkohisvuođar, ja mii fertet gávdnat eambbo doaibmabijuid. Berrešii leat bággu sihkkarastinreaidduide sihke káijain, brukkain ja sáttogáttiin, dadjá Molvig.
