Murmánskka guovllu eiseválddit muitalit ahte 2022:s ledje 247 gumppe, jagi ovdal ges 130 gumppe.
– Elliid lássaneapmi čadno daid migrašuvdnii, čilgejit reginála luonddu, ekologija ja guolástanáššiid depártemeanttas.
Eiseválddit oaivvildit ahte sivvan migrašuvdnii leat meahccebuollimat mat ledje mannan jagi kránnjáregiovnnain.
Eiseválddit maid muitalit ahte leat lassánan dáhpáhusat go olbmot oidnet gumppiid lahka márkanbáikkiid ja guovddáš ássanbáikkiid. Gumppet vánddardit ijaid ja goddet beatnagiid. Dakkár dáhpáhusaid leat olbmot muitalan eiseválddiide Kovdoras, Alakurttis, Kovdozeros, Zarechenskas, Zalenoborskij ja Mohchegorsk báikkiin.
– Áigodagas ođđajagemánu 14. ja 15. beaivvi báhččojedje golbma gumppe, muitalit eiseválddit B-port Murmánskka neahttaaviisii.
