Gumperegistreremat leat jođus ja dássážii leat gávdnan 46–69 gumppe ja duođaštan golbma gumpečivgama Norggas ja Ruoŧa rádjaguovlluin. Logut leat dušše gaskaboddosaččat ja vurdet eanet gumpiid ja čivgamiid registreret gumpevakšunáigodagas.
Norgga ja Ruoŧa gumppet vákšojuvvojit juohke dálvvi golggotmánu 1. beaivvi rájes gitta njukčamánu 31. beaivái. Raporta mii dál lea almmuhuvvon, lea čoahkkáigeassu das mii lea duođaštuvvon ja registreren juovlamánu 11. rádjái Norggas. Lea Innlandet Allaskuvla mii lea ráhkadan raportta Rovdata ovddas.
Dássážii leat 2023:s duođaštuvvon guokte gumpečivgama Norggas, Julussa-ja Østmárkka-bearrašiid guovllus Norggas. Dasa lassin vurdet maid sáhttit gumpečivgama duođaštit dán dálvvi maiddái Rafjellet-bearraša, Mange-bearraša ja Setten-bearraša guovlluin.
Lea maid duođaštan gumpečivgama Rotna-bearraša guovllus mii navdimis lea Norgga ja Ruoŧa rádjaguovllus. Vurdet maid duođaštit gumpečivgama Kynna-bearraša ja Fjornshöjden-bearraša guovllus mat navdimis johtet rádjaguovlluin. Lea eahpesihkkar šaddet go gumpečivgamat Kymmen-bearraša, Kongsvinger-bearraša ja Boksjø-bearraša guovllus.
– Easkka leat álgán guorrat ja čohkket DNA-iskosiid ja doaimmahit eará registrerenbargguid. Dálvvi mielde vuordit áššiid leat čielgan. Setten-bearrašis, Rafjellet-bearrašis ja Kynna-bearrašis leat ovdamearkka dihtii oaidnán gumppevielpáid ovdalgo vákšunáigi álggii, dan mii vuordit duođaštuvvot dán dálvvi, lohká Rovdata jođiheaddji Jonas Kindberg preassadieđáhusas.
Dan 46–69 gumppes maid dássážii leat duođaštan, leat 29–39 gumppe registreren Norggas, 2 leat registreren guktui beale riikkarájá, muhto 15–28 gumppe eai dieđe sihkkarit leatgo Norggas vai rádjaguovllus. Buot gumppet leat duođaštuvvon lea máttanuorta Norgga fylkkain gos leat gumpeguovllut, namalassii Innlandet og Viken. Guokte gumppe leat goddon liseansabivddus ja okta gumpe goddui go lei vuojahallon.
