Mannan ija ožžo Nuorta-Finnmárkkus politiijat dieđu earret eará viessogaikuma birra.
Mannan ija ožžo Nuorta-Finnmárkkus politiijat dieđu earret eará viessogaikuma birra.
Mannan ija lei maid oalle jaskat Nuorta-Finnmárkkus.
32 km/d eambbo go lei lohpi
Ikte eahkes diibmu 23.00 dolle geaidnopolitiijat leaktodárkkisteami Njávdáma ja Reaisavuona gaskkas. Doppe bissehedje ovtta olgoriikkalaš biilavuoddji geas leaktu mihtiduvvui leat 122 km/d E6 90-sonas.
– Biilavuoddji lei 56-jahkásaš ruoŧŧelaš almmái. Son dohkkehii sáhku, čállet politiijat.
Diibmu 00.00 šadde Girkonjárgga politiijat fitnat jaskkodahttimin feastta.
Feasta lei muhtin stobus Hessengas, ja politiijat fitne gohččumin festejeddjiid jaskkodit.
Viessogaikun Unjárggas
Váile beal ovttas ihkku, ožžo ges politiijat dieđu ahte lei leamaš viessogaikun muhtin fitnodagas Unjárggas.
Promilladárkkisteapmi
Čorgaš politiijat dárkkistedje maid johtolaga mannan ija. Sii dolle promilladárkkisteami Donjevuona ja Gilevuona gaskkas.
– Dárkkisteimmet gávcci biilavuoddji, ii oktage váidon, čállet politiijat.
