Davvi Divisiona beassášprográmma Guovdageainnus lea nuoraide ja mánáide.
Beassážat Davvi Divisionis álget gaskavahkku Lounge Sápmi konsearttain mas nuorra juoigi Junnána Ole Máhte Máhtte lea artistan. Skilleduorasdaga lea sin nubbe Lounge Sápmi konsearta ja doppe lea ges Ándaras, Andreas Leonardsen artistan. Njuolga maŋŋel lea nuoraidklubba Skádja Club ja doppe čuojaha julevsámi dj’a Dj Ailo albma clubmusihka!
Davvi Divisiona beassášprográmma loahpahuvvo guhkesbearjadaga ja dalle sis leat mánáid doaimmat olggobealde studio.
– Doppe šaddá sihke njoarostallan ja dánsun, iige leat dánsun dušše feara geainna, muhto sámi blime! násttiin Elin Oskalin. Njoarostallama ja dánsuma maŋŋel mannat sisa ja de álgá mánáid juoigankonsearta gos nuoramus buolvva juoigit rohttestit luđiid, čilge Anna Katri Helander Davvi Divisionas.
