Sámiráđđi lea dorjon badjel 200 kulturprošeavtta maŋimus viđa jagis – dál almmuhuvvojit boahtte jagi doarjagat.
Sámiráđđi lea dorjon badjel 200 kulturprošeavtta maŋimus viđa jagis – dál almmuhuvvojit boahtte jagi doarjagat.
Sámiráđis leat kulturdoarjagat mat juhkkojuvvojit oktii jagis. Sámiráđis leat golbma doarjaga maid sáhttá ohcat: prošeaktadoarjja, bargostipeandadoarjja ja oahppomátkestipeanda.
2010 rájes dán jagi lohpi, de Sámiráđđi juolludan kulturdoarjagiid lagabui 700 000 euro ovddas. Dahje badjelaš 6,6 miljovnna Norgga ruvnno ovddas dálá valuhttakurssa mielde.
Dál sáhttá ohcat jagi 2016 kulturdoarjagiid, main ohcanáigemearri lea ođđajagemánu 31 b. 2016. Sámiráđđi rievdada ohcanvuogádaga dán háve ja lea oalát elektrovnnalaččat. Visot ohcamušat sáddejuvvojit ruovttosiiddu bokte.
Rájáid rastá ovttasbargguide
Prošeaktadoarjja lea oaivvilduvvon rájáid rastá manni kulturoktasašbarggu doarjumii ja danin doarjja mieđihuvvo vuosttažettiin dakkár doaimmaide, mat gusket unnimustá guovtti riikii gos sámit ásset.
Unnán duodjeprošeavttat
Kulturlávdegoddi lea maid áican ahte duodjeprošeavttat leat ožžon earenomážit unnán kulturdoarjagiid jagiin 2010-2015. Danin ávžžuhit earenomážit duojáriid ja duodjeberosteddjiid buktit prošeaktaohcamušaid. Dás goitge deattihuvvo ahte visot ohcamušat visot surggiin bohtet árvvoštallot dásálaččat kulturdoarjaga gáibádusaid ektui.
