– Lei nu lunddolaš čuožžut lávddis, ledjen nu oadjebas, nu logai Ánnámáret Ensemble vokalista maŋŋá «Gollehelmmot» skearru almmuheame mannan lávvardaga Ijahis ija festiválas.
– Lei nu lunddolaš čuožžut lávddis, ledjen nu oadjebas, nu logai Ánnámáret Ensemble vokalista maŋŋá «Gollehelmmot» skearru almmuheame mannan lávvardaga Ijahis ija festiválas.
Ánnámáret Ensemble vokalista Anna Näkkäläjärvi-Länsman lei illudan ruovttu lávddis almmuhit ođđa skearru «Gollehelmmot», ja illudit gal máhtii go Sajos auditoria lei jo measta áibbas dievva ja guossit besse beannot diibmu návddašit ođđa lávlagii maid Anna Näkkäläjärvi-Länsman lea čállán.
– Lei ihána gelddolaš ja somá. In dieđe maid ledjen vuordán, muhto ledjen hui ilus go fuomášin man ollosat ledje boahtán. Lei munnje stuorra ášši go nu ollu olbmot ledje boahtán ja viimmat mu olbmot, logai Anna Näkkäläjärvi-Länsman maŋŋá konseartta.
Bihtát rievdan
Olbmot geaiguin Ávvir háleštii lohke vuohttit Anna Näkkäläjärvi-Länsman lávken viidásat iežas lávlagiiguin, ja dan maid duođašta artista ieš.
– Jo bihtát leat rievdan ja nu ledjen ovdagihtii muitalan, lean hui ollu bargan. Lean hui duđavaš go guldaleaddjit leat duđavaččat, lohká son.
