Skuvllaide ja mánáidgárddiide ii guoskka oktamehter-njuolggadus, iige leat makkár ge rádji joavkosturrodagain. Skolenes landsforbund gáibida ahte árvvoštallet ođđasit njuolggadusaid.
– Mánáidgárddiid ja skuvllaid njoammunsuddjema bagadeaddjit oaivvildedje ovtta gaskka ahte mánáide ii njoamo, eai ge njoammut earáide. Dál mii diehtit buorebut, dadjá LO skuvlasearvi, Skolenes landsforbund, searvečálli Geir Allan Stava.
Son čujuha Eurohpánjoammunsuddjenásahusa (ECDC) varas raportii mánáid rolla koronavirusa leavvamis.
Searvi gáibida ođđa čađaheami njoammunsuddjenbagadeddjiin mas váldo vuhtii galggaše go skuvllain ja gávpotarenaid mánáidgárddiin seamma njuolggadusat go muđui servvodagas.
– Skuvlla riikkasearvi diehtá ahte máksá olu lasihit bargiid, muhto jus dat ii dahkko jođánit, de sáhttá máksit eambbo. Ođđa giddemat olles, dahje osiin riikkas, sáhttá máksit olu eambbo go bálkáhit moadde eambbo bargi mánáidgárddiide ja skuvllaide, dadjá Stava.
Vuossárgga lei ohppiin ođđa skuvlajagi vuosttaš beaivi miehtá riikka.
©NTB
