Eai leat nu olusat geat áigot olgoriikii geasseluomus.
84 proseantta norgalaččain áigot Norggas geasseluomus, ja eatnašat vulget iežaset barttaide.
– Dušše 10 proseantta áigot eanaš áiggi geasseluomus leat olgoriikkas. 6 proseanta eai oba áiggo ge lupmui, ja reasta 84 proseantta áigot luomostallat Norggas, lohká Frende Forsikring gulahallanhoavda Heidi Tofterå Slettemoen.
Norstat iskkadeapmi čájeha maid ahte 12 proseantta vulget biilamátkái luomus.
Fylkkain iešguđet bohtosat
2 proseanta Nordlánddas áigot olgoriikkas eanaš áigge luomus, Møre og Romsdalas 3 proseantta, 4 proseantta Romssas ja Finnmárkkus. Oslos fas lea lohku 16 proseanttas, ja Vestlánddas ja Trøndelágas 13 proseantta.
– Lea stuora erohus, ja lea sihkkarit mátkkoštanhálu dihte ja maiddái gos oažžu njuolggobileahtaid, lohká Slettemoen.
(©NTB)
