Lea 15 jagi áigi go Per Issát oaččui duođastuvvot ahte sus lea kols-dávda mii lea kronalaš geahpesdávda. Dál son vuosttas geardde muitala almmolaččat dávdda birra go son lei intensiivadivššus Girona buohcceviesus ja vuoigŋanmašiidna doalai su heakkas.
Per Isak Juuso (67) Nearvvás lea čeahpes ja dovddus duojár ja dáiddár Sámis. Son lea bargan eallenagi garradujiin. Su muorra- ja čoarveduojit leat beaggán viidát máilmmis. Son lea maid bargan duodjeoahpaheaddjin sihke Sámiid oahpahusguovddážis Johkamohkis ja Sámi allaskuvllas Guovdageainnus.
