Boazodoallostivrralahttu Alf Johansen lohká maid leat buorrin go boazolohkoášši isko dikkis.
Boazodoallostivrralahttu Alf Johansen lohká maid leat buorrin go boazolohkoášši isko dikkis.
– Lea buorre go lobálašvuohta dál isko dikkis, lean čađat leamašan eahpádusas lei go riekta maid barggaimet ja ledje go buot bealit čielggaduvvon ovdal go mearrádus dahkkui, lohká son ja čujuha boazolohkomearrádusaide maid boazodoallostivra lea dahkan.
Boazodoallostivrra stivralahttu Alf Johansen miehtá iežas leamašan čađat eahpádusas lei go mearrádus riekta ja lobálaš, muhto lohká go eiseválddit dáhkidedje lobálašvuođa, de son válljii luohttit.
Loga maid: – Gáržžohallen, ii lean go váidit
Ii duđavaš
Alf Johansen lei bidjan gáibádusa go boazologuid unnidanproseassa mearriduvvui ahte galget guovtti jagis iskat mearrádusa váikkuhusaid.
– Ledjen dan bidjan eaktun, muđuid in lean jienastit nu go dahken. Oainnán dál ahte bargu ii leat čađahuvvon nu go jurddašuvvon, eaige leat doarvái bures guorahallan váikkuhusaid, ja de in leat duđavaš, lohká son.