Ođđajagemánu 1. beaivvi rájes aiddostahttojuvvo bargobiraslágas ahte suodjalus heađušteami vuostá maiddái suodjala seksuála loavkašuhttimiid vuostá.
– Áigumuš lea dahkat lágaid álkibun ipmirdit ja buorebut suodjalit sin geat vásihit heađušteami ja sávakeahtes seksuála fuomášumi barggus, dadjá Bargobearráigeahču direktevra Trude Vollheim.
Dálá bargobirasláhka nanne ahte bargi ii galgga gillát vuortnuheami dahje eará heivemeahttun láhttema. Árat dán jagi mearridii Stuoradiggi láhkateavstta aiddostahttit, dahkan dihtii čielggasin ahte Bargobiraslága § 4-3 vuortnuheami birra guoská maiddái seksuála vuortnuheapmái.
– Ii leat eahpádus das ahte maiddái dál dát mearrádus gokčá seksuála loavkašuhttimiid, muhto aiddostahttin sáhttá váikkuhit dasa ahte doaimmahagat čalmmustahttet eanet eastadanbarggu seksuála loavkašuhttimiid vuostá bargosajis, dadjá Vollheim.
