Diibmá dušše 28 bargi bargooktavuođas Norggas. 25 olbmos geat dušše, ledje albmát.
Lohku geat dušše barggu oktavuođas lea uhcit go 2021:s goas dušše 31 bargi barggus, muhto lohku lea seamma dásis go maŋimuš viđa jagis.
– Vaikko oaidnit ahte bargolihkohisvuođajápmimat leat njiedjan 2021 rájes gitta 2022:i, de lea duššet menddo olu olbmot barggu oktavuođas Norgga nannámis. Juohke olmmoš gii duššai barggu oktavuođas lea okta menddo olu, lohká Bargobearráigeahču direktevra Trude Vollheim preassadieđáhusas.
Gaskamearálaččat maŋimuš viđa jagis (2017-2021), nu mo diibmá ge, 28 olbmo dušše barggu oktavuođas juohke jagi. 2012-2021 logi jagi áigodagas dušše barggu oktavuođas 33 olbmo gaskamearálaččat jahkásaččat. Eanemus lihkohisvuođat gos olbmot duššet barggu oktavuođas, lea 8:s huksen- ja rusttetdoaimmain ja 7:s vurkendoaimmas, 6 eanadoalus (industriijas dušše 2021:s 6 olbmo ja 2022:s 1 olmmoš). Jápminlihkohisvuođat leamas eanemus johtolagas, gahččan dahje deakčun.
– Oaidnit stuorra buoridanmuni systemáhtalaš sihkarvuođabarggus eastadit lihkohisvuođaid, erenoamážit go lea gurremin dahje deavdimin guorbmevuojániid. Dás ferte erenoamážit doalahit doarvái gaskka olbmo ja dávvira gaskkas, lohká Trude Vonheim.
Eanemus riska duššat barggu oktavuođas lea bargiin geat leat boarrásat go 55 jagi. Nuorat bargiid lohku lea mealgat njiedjan 2017 rájes gitta 2022:i. Olgoriikka bargit geat leat duššan barggus leamaš 2012-2021 áigodagas gaskamearálaččat 8 olbmo jahkásaččat. Lea bargoaddi ovddasvástádus kártet ja árvvoštallat riskkaid bargosajis ja áimmahuššat ahte eastadandoaimmat biddjojuvvojit johtui.
