Háldenguovllu 8 boraspirehálddašanplána reviderema oktavuođas, de bovde boraspirelávdegoddi rabas webinárii árbevirolaš máhtu birra.
Webinára ulbmil lea ovdanbuktit muhtin vásáhusaid ja ovdamearkkaid árbevirolaš máhtu ja dieđu implementeremis.
Prográmmas leat iešguđet sáhkavuorut. Háldenguovllu 8 boraspirelávdegotti lahttu Karen Anette Anti ságastallá mii lea árbevirolaš máhttu. Mikkel Nils M. Sara Sámi allaskuvllas hupmá boazoealáhusa vásáhusvuđot máhtu birra. Dasto galgá Romssa ja Finnmárkku Stáhtahálddašeaddji ovddeš birasdirektevra muitalit hálddahusa vásáhusaid birra. Nu galgá maid Bente Christiansen, gii lea Romssa ja Finnmárkku Stáhtahálddašeaddji ovddeš birasdirektevra.
Camilla Risvoll, Nordlandsforskning, váldá ges ovdan čuolmmaid Nordlándda boraspire-, bohcco- ja šibithálddašeamis. Sámiráđi Anna-Marja Persson muitala ges CITE nammasaš ovttasbargoprošeavtta birra árbevirolaš máhtu dutkamis.
Webinára lea čakčamánu 1. beaivvi dii. 9 – 11, Zoomas.
