Čoahkkima fáddán lea ođđa Sámi duodjemearka ja rievdaduvvon gáibádusat duoji doaibmadoarjjaohcamis.
Sámediggi, Sámiráđđi ja Duodjeinstituhtta bovdejit digitála čoahkkimii Sámi duodjemearkka birra skábmamánu 3. beaivvi diibmu 10.
– Mii leat oaidnán ahte leat leamaš ollu gažaldagat sihke ođđa Sámi duodjemearkka ektui ja duoji doaibmadoarjjagáibádusaid rievdadeami ektui. Dákko bokte mii háliidit bovdet diehtojuohkinčoahkkimii. Buot duojárat, duodjeorganisašuvnnat ja earát geain lea beroštupmi duodjái leat bures boahtimat čoahkkimii. Mii sávvat maiddái mediai bures boahtima webinárii, dadjá sámediggeráđđi Berit Marie Eira preassadieđáhusastis.
