Gaskaboddosaš koronadoaibmabidju viiddiduvvo loatnakássas, ja buohkat geain lea oahppoloatna sáhttet maŋidit máksima olggos dán jagi. Okta golbmasis leat válljen maŋidit Loatnakássa-rehkega oktii dahje dávjjit dan rájes go koronapandemiija bođii.
Buohkat geat mákset oahppoloana sáhttet álggu rájes maŋidit rehkegiid 36 geardde (mii lea seamma go golbma jagi). Loatnakássas leamaš koronadoaibmabiddju mas kundarat leat sáhttán njukčamánu 1. beaivvi 2020 rájes maŋidit máksima seammás go eai geavat kvohta. Dál lea Stuoradiggi mearridan ahte ortnet galgá viiddiduvvot olggos dán jagi.
– Dattege lea dehálaš diehtit ahte fertet máksit eambbo reanttuid jus maŋidat máksima, dadjá Morten Rosenkvist hálddašeaddji direktevra Loatnakássas.
Go maŋida máksima, de guhkiduvvo máksináigi seamma guhká go lea maŋidan. De ferte oktiibuot máksit eambbo reanttuid oktiibuot ja mearreáiggesupmit gorgŋot. Kundarat sáhttet maid rievdadit máksinplána dahje máksit liige supmiid vai jokset liige goluid reanttuid ektui.
