Buot museat vásihedje buori guosseloguid 2022:s, muhto eanaš museaid guosselogut leat ain vuollelis go 2019:s.
Museat barget vuogádatlaččat ja ulbmillaččat čoakkáldathálddašemiin ja olusat sáhttet čujuhit ahte čoakkáldagaid seailluheapmi lea buoret. Dutkama vuoruheamis leat stuorra erohusat museaid gaskka, muhto ollu museain lea positiivvalaš ovdáneapmi almmuhuvvon dutkanartihkkaliid logus.
– Ovtta Kulturdirektoráhta ulbmilis lea lasihit dáidaga ja kultuvrra geavaheami eambbogiidda. Danne lean ilus go oainnán ahte ollu museat leat bargan bures ja viidát gaskkustemiin. Seammás lea mearrideaddjin ahte sihke eiseválddit ja museat ieža váldet duođas daid hástalusaid maid mii ain oaidnit dán suorggis, dadjá Kulturdirektoráhta direktevra Kristin Danielsen.
Romssa ja Finnmárkku museat mat leat árvvoštallojuvvon:
Gaska-Romssa musea
Finnmárkku riddokultuvrra ja ođđasishuksema museat
Davvi-Norgga dáiddamusea
Davvi-Romssa musea
Perspektiiva musea
Lulli-Romssa musea
Várjjat musea
Báktedáidaga máilmmiárbeguovddáš – Álttá musea