Sámediggeráđđi Maja Kristine Jåma searvá Ristning-Vevelstad museum/Tjaalege – Vevelstad museume almmolaš rahpamii
Cuoŋománu 13. beaivvi lea Ristning-Vevelstad museum/Tjaalege – Vevelstad museume almmolaš rahpan Vevelstadas Nordlánddas.
Museavistti namma, Ristning ja Tjaalege, leat guokte identtalaš dárogiel ja lullisámegiel sáni mat čujuhit symbolaid, piktográmmaid dahje čállosiid sárgumii luonddu duovdagii, čállá Sámediggi.
Báktesárgumat ja bákteráiggit
Lulli-Helgelánddas leat čáppa báktesárgumat, máŋga bákteráiggi main leat hui hárvenaš olbmogova ja gelddolaš sárgumat bákteseinniin. Ođđa čájáhusas šaddá interakšuvdna bákteráiggiiguin ja báktesárgumiiguin.
Rahpabeaivvi prográmmas lea formálalaš rahpan, sártnit, kulturovdanbuktimat ja guossohuvvo borramuš. Helgelándda musea čájeha ođđa čájáhusaid.