Ávvir nr. 57 aviissas, mii almmuhuvvui gaskavahkku 24.3., leat beassážat fáddán. Aviisa deaddiluvvui ovdal go ráđđehus almmuhii ođđa, čavgadit koronagáržžidemiid ja njuolggadusaid. Dan geažil eai lágiduvvo buot doalut nu go dan aviissas almmuheimmet.
Ávvir almmuha jahkásaččat aviissa ovdal beassážiid mas lávejit beassážat, beassášdoalut ja eará fáttát mat lunddolaččat čatnasit sámi beassážiidda. Nu maid dán jagi. Dán jagi beassášfáddáaviisa manai deaddileapmái distaga 23.3. iđit, deaddiluvvui ja sáddejuvvui buot dállodoaluide viđa gielddas.
Seamma eahkeda almmuhii Norgga ráđđehus ođđa koronadoaibmabijuid, ávžžuhusaid ja njuolggadusaid. Dan geažil leat olu doalut maid birra dán aviissas čállit mat eai lágiduvvo ođđa korona-njuolggadusaid geažil.
Kárášjoga beassášfestivála lágideaddjit dieđihit ahte Kárášjogas eai oba lágit ge doaluid dáid beassážiid.
Loga dáin áššiin maid Kárášjoga ja Guovdageainnu beassášdoaluid lágideaddjit leat mearridan:
