Vahkus lea korona njommon 71 olbmui Gironis. Eará gielddain Davvi-Ruoŧas njidjet njoammunlogut.
Regiovdna Norrbotten dieđiha mánnodaga ahte eanemus gielddain njidjet njoammunlogut, earet Gironis. Norrbottenis leat 678 ođđa njoammuma duođaštuvvon 49. vahku.
Dál lea oktiibuot 224 olbmui njommon korona mannan vahkuloahpa. Bearjadaga 98, lávvordaga 113 ja sotnabeaivvi 13.
Mánnodaga leat maid 45 olbmo buohcceviesuin Norrbottenis, ja čiežas leat intensiivadivššus.
Oktiibuot 110 olbmo leat jápmán dávdii Norrbottenis giđa rájes.
Njoammumat 49. vahku davimus Ruoŧas (Ruođuid siste leat mannan vahku logut, 48. vahku):
Árjepluovves: 0 (0), Árvvesjávrris: 0 (2), Bodenis: 142 (153), Jielleváris: 3 (14) Haparandas: 6 (7), Johkamohkis 8 (14), Kalixas: 32 (52), Gironis: 71 (53) Lulejus: 221 (315), Bájilis: 3 (5), Bihtámis: 152 (196), Älvsbyas: 35 (91) Överkalixas: 2 (1) Badje Durdnosis: 3 (2)
