Kanáriasulluid presideanta duođašta ahte Tenerifes lea ovtta turisttas koronavirusa.
Kanáriasulluid presideanta Ángel Víctor Torres duođašta Twittera bokte ahte leat fuobmán koronavirusa Tenerifes.
Son čállá maid ahte turista geas lea duođastuvvon koronavirus lea Itálias eret , ja son lea Tenerifes Kanáriasulluin. Dát olmmoš lea isolerejuvvon ja galget odne váldit ođđa iskosiid, čállá Torres Twitteris.
El Pais aviisa čállá ahte sus geas lea duođastuvvon koronavirus lea doavttir ja orru Lombardias Davvi-Itálias. Lombardia guovllus leat duođastuvvon buot eanemus koronavirusa buohccit Eurohpás, ja mánnodaga duođaštuvvojedje 229 olbmo buohccin.
