-Almmuhus-
CORONAVIRUSÁvžžuhit bijahit ođasmahttin­dosa

Ávžžuhit bijahit ođasmahttin­dosa

-

-

Ráđđehus ávžžuha buot buohcceruovttuássiid ja vuorrasiid geat leat badjel 75-jahkásaččat bijahit koronaboahkuid ođasmahttindosa.  

Ráđđehus čállá preassadieđáhusas ahte olbmot geat leat badjel 75 jagi boarrásat ja buot buohcceruovttuássit berrejit váldit ođđa koronaboahkuid. Dat gusto jus leat gollan unnimusat guhtta mánu dan rájes go maŋimuš boahkuhuvvui. 

– Gielddat leat gohččojuvvon čađahit boahkuheami nu jođánit go vejolaš, dát berre dahkkot ovdal go cuoŋománnu dievvá. Áigumuš lea suddjet olbmuid ovdal go 2023 giđa ja geasi njoammunbárru deaivida, muitaluvvo preassadieđáhusas. 

Álbmotdearvvašvuođainstituhtta dat lea rávven ráđđehusa ávžžuhit koronaboahkuid ođasmahttindosa vuorrasiidda ja buohcceruovttuássiide. 

-Almmuhus-