Romssas lea guovtti olgobáikkis leamaš koronanjoammun.
Vuossárgga duođaštuvvojedje njeallje ođđa njoammuma dálá njoammunleavvamis Romssas.
– Olbmot geaidda lea njommon leat leamaš Romssa olgobáikkiin, ja mii ávžžuhat olbmuid geat leat leamaš seamma báikkiin leat áicevaččat das leat go dávdamearkkat, ja váldit iskosa jus fál dovdá alddis veaháge dávdamearkkaid, dadjá Romssa gielddadoavttir Inger Hilde Trandem.
Guoskevaš olgobáikkit leat:
Prelaten duorastateahkeda geassemánu 17. beaivvi gaskal diibmu 20:30 ja 00:30.
Heidi’s Bier Bar bearjadaga geassemánu 18. ja lávvardaga 19. beaivvi.
Dál leat Romssas duođaštuvvon 22 njoammuma ja 46 lagasoktavuođa leat erremis.
