Ráđđehus gáibida ahte dál fertejit buot bartaeaiggádat geas lea barta nuppi riikkas Davviriikkain, erremii, maiddái jus dušše finadit iežaset barttas.
Trøndelága Fylkkamánni dieđiha ođasreivves ahte Dearvvašvuođadirektoráhtta ja Álbmotdearvvašvuođainstituhtta ledje vuos mielas spiehkastit eret errengáibádusas jus bartaeaiggát dušše finada Ruoŧas iežas barttas. Dál lea ráđđehus geassán ruovttoluotta iežaset neavvaga njoammudávdda leavvama dihtii.
Njoammudávdda leavvama dihtii gáibida dál ráđđehus ahte bartaeaiggádat geain lea barttat Davviriikkain galget erremii. Dearvvašvuođadirektoráhtta ja Álbmotdearvvašvuođainstituhtta čilgejit ahte sivva lea go njoammudávda lea leavvan garrasit Eurohpás maŋimuš áiggi ja nu lea maid lassánan várra ahte čuovuhit Norgii njoammudávdda.
